Bu kliniğe burada henüz yorum yapılmamış. İlk siz yazabilirsiniz.
Leena Tariq
تجربة سيئة جدًا للأسف.
راسلتهم قبل يومين وقالوا لي تعالي من 8 إلى 10 وفيه انتظار، وتأكدت من اليوم وقالوا السبت. جيت وانتظرت لين 12 بالليل، وبالنهاية قالوا ما فيه مجال أدخل.
بعدها قالوا تعالي بأي وقت من 1 إلى 4 وتدخلين مباشرة وقولي لهم من الإدارة. جيت اليوم 4:15 وبرضو قالوا ما فيه مجال، وقالوا سوّي كم منطقة وتعالي بكرا!
ما فيه أي احترافية بالتعامل وكل شيء عندهم ضايع وما فيه تنظيم.
وفي الأخير طلبت استرجاع المبلغ. رجعوا لي 320 ريال وأنا دافعة 322، ووقعت إني استلمت المبلغ كامل، ولما قلت ناقص ريالين قالت ما عندي، وبالأخير طلعتهم.
الإحترافية والتنظيم عندهم زيرو.
تجربتي مع العيادة كانت جدًا جميلة. سويت عندهم ليزر، والشغل كان نظيف ومرتب وتعاملهم ممتاز. أكثر شيء عجبني أنهم ما يغيرون النيرس، نفس النيرس تكون معك طوال الجلسة وحتى جلسات الرتوش، وهذا الشيء بالنسبة لي مهم جدًا لأنه يخليني مرتاحة وواثقة، وهي تكون عارفة حالتي من البداية. بصراحة كانت تجربة موفقة وأنصح فيهم
عيادة جدًا جميلة و مرتبة، وما قصروا معي الاستقبال ولا طاقم العمل.
بالنسبة للأسنان الفحص الأولي عندهم ممتاز ويمرون على جميع المراحل الخطة العلاجية.
اشرفوا علي الدكتورة أسيل، و الدكتور نضال.
للأمانة اللي سويته للآن كان فحص فقط، ولكن من الخطة العلاجية مستبشر خير بإذن الله.
بكل صدق، كانت تجربتي مع الدكتورة فدوى من أفضل تجاربي في طب الأسنان. تتميز بمهارة عالية ودقة في العمل، وتهتم بأدق التفاصيل، مما يعكس خبرتها وتمكنها الكبير. أسلوبها راقٍ في التعامل، وتحرص على راحة المريض وشرح كل خطوة بشكل واضح ومطمئن.
أشكرها على احترافيتها وأمانتها، وأنصح بها بشدة لكل من يبحث عن طبيبة أسنان متميزة. تستحق تقييم ممتاز بكل جدارة
عيادة ممتازة متطورة. حجز المواعيد ممتاز. الاستقبال ممتاز. المبنى جديد ونظيف. الأجهزة جديدة وحديثة. جميع الاخصائيين الذين تعاملت معهم ممتازين ومحترفين وذوي خبرة. جربت اكثر من عيادة سابقاً داخل المملكة وخارجها وهذه من افضل العيادات التي انصح بها. ينصح بالحضور قبل الموعد بعشر دقائق على الأقل.
جربت العيادة لخدمة إزالة الشعر بالليزر (جنتل برو). أعطي نجمة واحدة فقط بسبب تعامل اخصائية الليزر.
أخصائية الليزر كانت ممتازة جدًا، تعاملها احترافي وأمينة في شغلها، وهذا الشيء يُشكر لها. لكن للأسف، أسلوب موظفة الاستقبال كان غير محترم وغير احترافي إطلاقًا، وكانت من أسوأ التجارب اللي مريت فيها.
كنت ناوية أحجز باكج كامل من أول زيارة، لكن بعد هذا الموقف غيرت رأيي فورًا واكتفيت بدفع جلسة واحدة فقط.
نظام المواعيد غير واضح. في أول زيارة تم إدخالي بسرعة، لكن عند محاولة حجز جلسة الريتوش لم أجد مواعيد مناسبة، وانتهت مدة الجلسة (14 يوم) بدون استفادة.
لاحظت كذلك وجود تعليقات مشابهة تشير إلى صعوبة الحصول على مواعيد بعد شراء الباكجات.
بناءً على تجربتي لن أكرر الزيارة مرة أخرى ولا أنصح بهذه العيادة، رغم احترافية أخصائية الليزر للأسف
السلام انا جايتكم من المستقبل
قبل سنه عالجت عند د. عمار يوسف ،سنين عصب مع تلبيسه وكان من اسوء الدكاتره اللي مريت عليهم الان انا رجعت اعيد علاج عصب لنفس السنين عند دكتور استشاري بعياده ثانيه بسبب ان علاجه ما كان مكتمل وتنظيف العصب ماكان صحيح وسبب لي خراجات زائد ان جوده التلبيسة جدا سيئه وسببت لي التهابات رغم اني كان يقول انها الافضل جوده وتكلفتها عاليه
نصيحة دائماً روحو لدكتور سعودي واثقين بشهاداته من وين جايبينها وخبرته كيف انحسبت وابعدو عن عيادات نفس هذي كل دكاترتها غير سعوديين
