Teşekkürler — yorumunuz moderasyonda, onaylandığında yayınlanacak.
Bu kliniğe burada henüz yorum yapılmamış. İlk siz yazabilirsiniz.
اليوم سويت فيلر شفايف انا و صديقتي عند دكتورة سارة بسم الله مشاء الله مع اني اول مرة في حياتي اسوي فيلر بس و الله كلمة حق تجنننن مثل ما احب بالضبط و لا انسا منسقتها الجميلة الخلوقة تسنيم بنت مريحة جداا و تنصحك كثير ❤️❤️ ب ازوركم مرة ثانية ان شاء الله ❤️
Google tarafından çevrildi
طبعاً عند دكتوره أميره ومنسقتها نسرين تجنننن اخلاااق عسل والله تحسين نفسك رايحه مع صديقتك مو فقط منسقة لدكتوره نسرين بذات لا قبلها ولا بعدهاا وأعشق دكتوره اميره ❤️❤️❤️❤️❤️❤️ومتحسفه اكتب بقوقل ماب ودي اخبيهم لي لحالي بس يستاهلون المدح
Google tarafından çevrildi
سعيدة اشارك تجربتي مع دكتورة خالد مشنتف و النقلة النوعية اللي صارت في ابتسامتي عشان اشجع كل احد متردد يسوي هالخطوة. بالصورة الرحلة كاملة من البداية قبل الشغل و بعدها قص اللثة والحشوات و تنظيف الاسنان، و بعدها التركيبة المؤقتة و ثم النتيجة النهائية لإبتسامتي بعد عدسات Emax بعد استشارة الطبيب. كان عندي ثقة بالدكتور لاني رحت له بعد بحث كبير، و بالرغم من كل الثقة طلعت النتيجة النهائية افضل بكثير من توقعاتي. اشكر الدكتور لانه سمع لي قبل كل شيء و بعدها اقترح الحلول المناسبة و كان حريص يتأكد من موافقتي و رضاي عنها، و اشكره لأن يده جداً خفيفة و سريع و اغلب الاجراءات سويناها بدون بنج ما شاء الله! الفريق الطبي مع الدكتور متمكن، لطيفين و مريحين جداً و كل زيارة يخلوني اطلع من عيادة الأسنان وأنا مبسوطة و مو متضايقة 💌 سلطانه منسقة الدكتور اشكرها بشكل خاص على حرصها و تعاونها و لطفها المستمر.. كل المواعيد في وقتها و بدون تأخير او إنتظار. اتوقع بعد هالتجربة محد بيلمس اسناني غير دكتور خالد مشنتف! الله يجزاه عني خير الجزاء و يسلم يده على الشغل المتقن والرائع.
Google tarafından çevrildi
رحت لدكتورة اميره عبدالعزيز و كانت جدًا لطيفه ومتعاونه وسمعت لكل ملاحظاتي ورأيي قبل الإجراء وما استعجلت وكانت حريصه إن النتيجه تكون مناسبة لملامحي تعاملها احترافي وأسلوبها يريح شكرًا لها.💗
Google tarafından çevrildi
بعد مرور سنتين من علاجي عند د. عبدالله محروس، حبيت أشارك تجربتي: راجعت استشاري في مستشفى قوى الأمن، وكانت النتيجة صدمة ؛ تبين أن جميع الحشوات تحتاج إلى إعادة، وأن التلبيسة يجب إزالتها بسبب وجود مشاكل في علاج العصب. مع العلم أن علاج العصب ماكان في نفس العيادة، لكن بحسب رأي الاستشاري، لا يُفترض تركيب تلبيسة في مثل هذه الحالة دون توضيح الوضع للمريض. ووضح لي ان الحشوات المستخدمة كانت بجودة ضعيفة، ولم يتم علاج التسوس بالشكل الصحيح، بل تم الحشو على تسوس موجود، كمان وجود فراغ بين التلبيسة والسن مما تسبب في تضرر اللثة وانحسارها. تجربة مؤسفة تعلمت منها أن اختيار الطبيب خطوة مهمة جدًا، وأن الطب أمانة قبل ما يكون تجاره.
Google tarafından çevrildi
تجربتي كانت فوق الممتازة بكل المقاييس 🤍✨ الدكتورة سارة العربي ماشاءالله تبارك الله فنانة بمعنى الكلمة! سوت لي فيلر شفايف والنتيجة طبيعية ومتناسقة بشكل يخلي الكل يمدح ويسألني وين سويتيه 😍 يدها خفيفة كأنها تنلف بحرير، دقة وإحساس عالي بالجمال بدون أي مبالغة. وكمان سويت عندها إجراء لنضارة البشرة، والفرق واضح من أول جلسة ✨ إشراقة ولمعة صحية وتوريد طبيعي يخلي الوجه حي ومنعش. المنسقة تسنيم قمة في الذوق والاهتمام، متابعة لكل التفاصيل وتهتم براحة العميلة من البداية للنهاية 🤍 والرسبشن أثير الربدي استقبالها يفتح النفس، بشوشة ومرتبة وسريعة في إنهاء الإجراءات، فعلاً تعكس صورة جميلة للمكان ✨ شكراً لكم جميعاً على تجربة تبيض الوجه، أكيد لي رجعة قريب 🤍🌸
Google tarafından çevrildi
الحمدلله من قبل ومن بعد .. تجربتي كانت اكثر من رائعه مع الدكتوره ياسمين شنون في عيادة الاسنان … كان عند بنتي تأخر في الفك السفلي وبروز في اسنان الفك العلوي ، والدكتوره سوت لنا خطة علاجية ناجحة بدأنا فيها من جهاز وظيفي لتقديم الفك السفلي استمرت عليه بنتي لمدة سنه ثم الخطوه الثانيه وهي تقويم شفاف لتعديل بروز الاسنان استمرت عليه ايضاً مايقارب السنة والنتيجة الآن مبهرة ووأنا وبنتي في تمام الرضا وكان شعور جميل وانا اشوف الدكتوره مبسوطه بالنتائج مثلنا وأكثر والفضل لله سبحانه ثم لشطارة الدكتوره والله يجزاها خير ويكثر من امثالها .
Google tarafından çevrildi
اتوقع بعد تجربتي معهم أفضل اعيش حياتي بدون فلر ولا اكرر رجوعي لهم، سيئين جدًا فيهم جشع عجيب واستغلال للبشرية بشكل مو منطقي جامعين الناس كلهم وتنطقين الى ٤ ساعات وعادي جدًا عندهم وهذا الطبيعي على مايبدو هذا غير ان تجربتي مع د أميره كانت بالبداية سيئة وكان فيه ميلان واضح بالفلر ورجعت وانطقيت ٤ ساعات ونص عشان حضرتها تقول هذي رتوش والمواعيد لهم الاولوية ! على اساس يعني لما كان عندي موعد دخلتوني بوقتي🤣؟ عمومًا سيئين بكل ما تحمله الكلمه وقريبا باذن الله نسمع خبر يسرّنا عنهم ويبعدهم عننا🙏🏻
Google tarafından çevrildi
Yorumlar Google’dan alınmıştır. ClinicPicker bu yorumları düzenlemez ya da kaldırmaz.
