Bu kliniğe burada henüz yorum yapılmamış. İlk siz yazabilirsiniz.
Co. dhdam interior
تجربتي مع عيادات بنون من أسوأ التجارب الطبية والمالية التي مررت بها، وأشعر أن أسلوبهم قائم على جذب المريض بعرض منخفض ثم استنزافه بمبالغ إضافية مع كل مرحلة.
تم الاتفاق معي على عرض اليوم الوطني بقيمة 12,745 ريال، وتم التأكيد أن هذا سعر العملية، لكن بعد بدء الخطة العلاجية بدأت الصدمات المالية تظهر واحدة تلو الأخرى. تم طلب 6,480 ريال لفحص الأجنة بحجة أنه خارج العرض، ثم 3,500 ريال للخزعات، وبعدها 2,490 ريال للتجميد، وعند الوصول لموعد العملية والحقن تم طلب 5,775 ريال إضافية على أنها “قيمة العملية”!
إذاً ما معنى العرض من الأساس؟ وكيف يتم الإعلان عن سعر معين ثم يتضاعف المبلغ بهذا الشكل دون وضوح أو شفافية حقيقية من البداية؟
للأسف شعرت أن المريض يدخل وهو يظن أنه يعرف التكلفة، ثم يجد نفسه في دوامة مبالغ متتالية لا تنتهي، وفي مرحلة حساسة نفسياً وصحياً يتم وضعه تحت ضغط الدفع المستمر.
أحذر أي شخص يفكر بالتعامل معهم:
لا تعتمد على أي عرض شفهي أو إعلاني، واطلب تفصيلاً مكتوباً لكل ريال ستدفعه من البداية إلى النهاية، لأن الواقع مختلف تماماً عن الصورة التي يتم تسويقها
تجربتي مع دكتور مازن بشاره في عيادة بنون ممتازة مشكلتهم التأخير في المواعيد وسوء التنسيق اما الباقي كل شيء رائع خصوصاً الطاقم المتواجد عندهم كانت معايه من تيم التمريض الممرضه نسرين الي اخصها بالشكر
على تعاملها الراقي وحسستني كانها اختي او صحبتي
ولازم
اشكر الدكتور خالد في الصيدلية على تعامله الراقي واحترافيته العالية كان متعاون جدا وبيشرح بكل وضوح ولو في مشكله ماليه كان بيصبر وماحسسني بانه اهم شيء الفلوس وهذا الاحساس للاسف حسيته من الاستقبال بدون ذكر اسم الموظفه ، ولكن بشكل عام تجربة للأمانة ممتازه تعكس جودة الخدمه في عيادة بنون رغم اني جيت وانا شايفه التعليقات وخايفه ولكن الواقع مختلف ، ومن باب قول النبي ﷺ: (لا يشكر الله من لا يشكر الناس ) كل الشكر والتقدير لجميع الطاقم الطبي في بنون خصوصاً الي ذكرتهم بالاسم لان هذه ثاني تجربة معاهم ، الاولى كانت قبل سنتين ونفس الرقي في التعامل
تجربة ممتازة جداً مع العيادة، المكان مرتب ونظيف والطاقم مهتم ومتعاون، وأكثر ما أعجبني الدقة في المواعيد والتنظيم. أشكر الدكتور مازن على احترافيته واهتمامه، كما أشكر الدكتورة مايا على أسلوبها الراقي وتعاونها الدائم وسرعة ردها على جميع الاستفسارات. أتمنى لهم المزيد من النجاح والتوفيق.
تجربتي مع الدكتورة مايا البزره كانت فوق الممتازة بكل معنى الكلمة 🤍 من أول زيارة وأنا حاسة براحة واطمئنان، أسلوبها راقي وتفهمها يخليك تثق فيها بدون تردد. كانت معي خطوة بخطوة طول فترة حملي وولادتي، وتطمني وتجاوب على كل أسئلتي بصدر رحب.
يوم الولادة استدعيتها وكانت قمة في الهدوء والاحترافية، وخلت التجربة أسهل وأجمل مما توقعت، وهذا شيء مستحيل أنساه لها 🙏🏻
أنصح فيها من كل قلبي لأي وحدة تدور على دكتورة شاطرة وإنسانة قبل كل شيء، الله يسعدها ويجزاها عني كل خير 🌷”
تجربتي كانت استنزاف مادي ونفسي في هذه العياده اكثر من اهتمام بالمريض وحالته و التركيز في جميع الجوانب المريض..
عملت سحب مرتين مع دكتور فواز إدريس المره الأولى تم سحب عدد بسيط والمره الثانيه متتاليه لم يتم سحب صفر و للاسف انه سحب في يوم ١٦ والأولى في يوم ١٢… هل هذا تقصير او إهمال متابعه!! وبعد هذا كله مافي متابعه منه لا المساعدين و الدكتور البديل هو الي يتواصل معك… بس الله موجود الله يتولاهم…
لو في اقل من نجمه حطيت!
كانت تجربتي مع الدكتور فواز إدريس سيئه للاسف ماشفناه إلا يوم الاستشاره مده لاتتجاوز ١٠ دقايق
وسويت معاه حقن مجهري وكانت حلقة الوصل بينا المنسقات وكانو اسوء من الدكتور تاخير في الرد
واتصلو علي وقت عمليه الارجاع و(المركز خارج مدينتي )وسافرت !
وانتظرت لمدة ساعتين وتجي دكتوره تقولي ماينفع ترجيع فرش لازم تجميد كان بامكانهم يعطوني خبر باتصال!
وتم فك جميع الاجنه بدون استشارتي !!
وللاسف فشلت العمليه ورسلت النتيجه للمنسقه ترسل للدكتور!!
وبعد ثلاث شهور اتصلو يسالون ايش كانت النتيجه ؟؟
ما أقول إلا خافوا الله في المرضى أسوأ تجربة مرينا فيها!المستشفى تجاري بحت وكل تعاملهم مادي فقط.
تجربة اكثر من سيئة مع الدكتور فواز ادريس. استنزاف مبالغ وفي الاخير يقولك ما ضبطت. راجعنا اكثر من دكتور في نفس المجال في جدة والرياض واجمعوا بان اللي سواه الدكتور غلط. وفي دكاترة يعرفوا الدكتور بانه دكتور تبع شوو فقط.
الصدمة اللي اكتشفناها بانه كان في مشكلة تحتاج علاج مسبقا قبل العملية. بس الدكتور كان مستعجل عالعملية والتحصيل.
السلام عليكم ورحمة الله وبركاته
الحمدلله حمداً كثيراً طيباً مباركاً فيه
الشكر لله والفضل والمنة ثم الدكتور الفاضل الانسان الخلوق
د.فواز ادريس كلمات الشكر ما توفيك حقك دكتوري الفاضل كنت معانا من اول خطوة لاخر خطوة وجودك وارشاداتك وتعليماتك كانت توصلني عبر المنسقات تنظيمكم رائع لا زحمة ولا لخبطة مواعيد في وقتها كل شي مثالي الله يرزقكم كلكم الخير والبركة بداية من الاستقبال والتخدير الممرضات السونار المنسقات كل كل شخص اهتم فينا وعاملتونا بما يرضي الله ورسوله لما جا وقت الارجاع جات دكتوره زينة وقالت لي دكتور فواز ما ينصحك ترجعي الاجنة الشهر دا زعلت واتضايقت ثاني شهر سمعت نصيحة دكتوري الفاضل فواز ورجعت وسمعت مشورتو والحمدلله اليوم بشرني اني حامل انصحكم اخواني واخواتي بالمركز وجميع المنسوبين من اطيب واجمل ما يكون اسمعوا كلامهم وامشوا على برتكولهم وصدقوني ما يبغوا غير مصلحتكم والله يقدركم يارب وكلكم ربي يرزقكم قرة اعين
اخيراً وليس اخراً كثير تعليقات كانت تخوفني اكتشفت انو الناس اللي تجاربهم حلوة ما يكتبوا لان الفرحة تنسيهم ولكن حبيت اعطي كل احد حقه واشكركم مع ان كلمات الشكر ما توفيكم حقكم توجهو امركز هيلث بلس وخليكم متفاااااائليييييين زيي وربي ان شاء الله ما يخيب رجاكم
