Bu kliniğe burada henüz yorum yapılmamış. İlk siz yazabilirsiniz.
Sara Saleh
رحت العيادة عندي موعد الساعة ٤ وانا قايلة اني ابي فيلر لمن حجزت الموعد عند اميرة مهدي اتصلت عليهم قلت بتأخر ربع ساعة عادي قالوا عادي وصلت ودفعت كشف ٢٠٠ ريال وانتظرت ساعة وبعدين دخلوني غرفة ع اساس تخدير انتظرت ربع ساعة محد جاء وناديتهم جتني الممرضة قلت انه حطي البنج عشان ما اتأخر زيادة قالت هذا الطبيعي وبنادي لك الطبيبة جت الطبيبة قالت ايش تبين تسوين قلت كنت بسوي فيلر بس السعر اللي عطوني بالبيت ١٣٠٠ والحين يقولون ١٧٠٠ فبسوي بوتكس بس قالت مو مشكلة ولكن بكرا ان شاء الله ! قلت كيف انا حاجزة اليوم وقايله ابي فيلر قالت ما ادري قايلين لي انك استشارة تعالي بكرا واسوي لك ! قمت طلعت للريسبشن وطالبت بفلوس الكشف وللحين م حولوها يحسبوني بنسى
المهم ي بنات استغلاليين وما عندهم اي احترام للعميلة معتمدين ع انك بتستحين وبتسكتين طالما اوريدي دفعتي كشف يبون يمسكونك فقط يعني ساعة و٢٠ دقيقة وفي النهاية تعالي بكرا ايش فيه اول وآخر تعامل اكيد
تجربتي في عيادة برايت كانت أكثر من رائعة، من لحظة الاستقبال وحتى انتهاء الجلسة.
قمت بعمل تقشير بارد وريديس للوجه لدى الدكتورة دعاء أبو جودة، وكانت قمة في الاحترافية واللطف، شرحت لي الخطوات بكل وضوح واهتمت بأدق التفاصيل.
النتيجة كانت ممتازة وبشرتي أصبحت أنعم وأكثر نضارة من أول جلسة.
أشكر العيادة والدكتورة دعاء على حسن التعامل وجودة الخدمة، وأنصح بها بكل ثقة
صراحة ما كنت متوقعة أشوف فرق بهالسرعة وكتبت تجربتي عندي تشققات بيضاء من سنوات وجربت أشياء كثيرة بدون فايدة بعد جلسات الباي ون خفت بشكل واضح ماتوقعت النتيجة واو واو صراحه
دكتورة أميرة مهدي أتعامل معاها أنا وأمي وخواتي من زمان شغلها احترافي ودقيق، وتهتم بأدق التفاصيل وتعطي وقت كافي للاستشارة والشرح قبل أي إجراء. النتيجة كانت طبيعية وجميلة جداً، وهذا أكثر شيء أحبه بشغلها ، بالإضافة إلى ذلك، تعاملها راقي ومريح ويخلي المريض يحس بثقة واطمئنان. أنصح فيها وبقوة لكل اللي يبحث عن نتائج مميزة وآمنه 🤍🤍🤍🤍
العيادة من أرقى الأماكن اللي ممكن تزورها من أول ما تدخل يعطيك شعور بالراحة وكل شي منظم ومرتب بطريقة تفتح النفس.
والطاقم جدا راقين في التعامل والاهتمام .
أما الدكتورة أميرة مهدي، فالكلام عنها قليل! من أفضل دكاترة الجلدية في الخبر، شغلها دقيق ونتائجها واضحة، وتشرح لك كل شي بهدوء وتفهم، وتعطيك إحساس بالثقة ان فعلا بين أيد أمينة. صراحة تجربة تستاهل وتتكرر بدون تردد.
تجربتي كانت جدًا جميلة، سويت فيلر وأنوفيال مع الدكتورة اميره مهدي وكانت شغلها مرتب ونتيجته طبيعية جدًا وسويت سبكترا وجه حواجب مع الأخصائية سهى وكانت رائعة وشغلها يفتح النفس، أما بنت الاستقبال الجوهره فذوقها وتعاملها جدًا راقي.
شكرًا لكم على الاهتمام والخدمة الجميلة
دكتوره مارينا
والله البوتكس عندها اسوء م يكووووون!
هذا غير انها تمسك كل زبونه وتجبرها ب الأكراه حرفياً انها تصورك ب سنابها ! واذا انتي منقبه؟ عادي في حل ثاني تخليك تتكلمين لها وتلقنك الكلمات وتصورك ب سنابها🤣🤣!!
صدق انسانه فضيعه وغير كذا ليت البوتكس يشفع جايه تبي تشفط منك فلوس+تسوي لها إعلان والمقابل؟ تسوي لك أبشع بوتكس ممكن تشوفينه
حرفيًا غيرت ملامح وجهي للاسوء ! ثانياً شدت لي مناطق ماتحتاج اي شد ثالثاً خلتني لما اضحك تختفي عيوني ؟!!
هذا تشويه ي مارينا
اتمنى النظر ي اداره العياده في دكتوره مارينا بأنها تجبر زباينها يتكلمون ويعلنون لها ب الأكراه في سنابها ولا يهمها منقبه محجبه م تقول لا اهم شيء تتكلمين وتعلنين لها المصداقية عندها بالساااالل‼️‼️‼️‼️
