Thanks — your review is with our moderators and appears once it is checked.
No one has reviewed this clinic here yet. Yours would be the first.
هذه المره الثانية يعطونا موعد الساعه ١٠ ونجي من قبل الموعد ننتظر ولا نلقى احد لا الاستقبال ولا الدكتوره يخلونا منتظرين لين الساعه ١١ ساعه كامله من اول ليه تعطونا موعد بدري وانتم ما تداومون وش هالاستهتار بأوقات الناس تحسبون الناس ما عندها شغل غيركم تعامل جداً سيئ يخلي الناس تنفر من هالعيادة بسبب المواعيد ..
Translated by Google
انا جايه العيادة خصوصًا عشان دكتورة ابتهال لو ما كنت مره ابي اسوي عندها كان ما انتظرت هالوقت هذا كله حجزت موعد الساعه ٢:٣٠ ورحت وفتحت ملف وانتظرت واشوف الناس اللي جو بعدي يدخلوا وانا احسبهم بيدخلوا على دكتوره ثانيه ! وانا من ٢:٣٠ جايه مادخلت على الدكتوره الا الساعه ٤:٣٠ التنسيق سيء ومافي نظام أبدًا واشوف المنسقة قاعده تسجل المواعيد بالورق وكله عباره عن من سبق لبق يعني اللي يسجل اسمه عند المنسقه اول هو اللي يدخل ع الدكتوره اول بأي عصر حنا تكفون تطوروا شوفوا المستشفيات الباقيه كيف التنظيم عندهم !! اجل ليش نحجز موعد من اول اذا كذا وضعكم وتعاملكم ورقي اول ماكلمت المنسقة تقولي ايش اسمك وايش الخدمه اللي تبين تسوينها وتسجل بالورق؟؟!!! عفوًا النجمة فقط لدكتورة ابتهال لانها عسل وشغلها يجنن + حصل لي نفس الموقف عشان موعد الرتوش كلمت بحجز قالت لي مافيه مشكلة تعالي ع الانتظار ورحت من الساعه ١ من اول مافتحت العياده وقالوا لي في انتظار وقدامي ٦ قلت تمام ، رحت انتظر نادتني المنسقه تقول ايش تبين تسوين قلت ابي اسوي رتوش فيلر تقولي مانقدر نسوي لك رتوش الحين لازم يمر على الفيلر اكثر من ١٠ ايام وجالسة تحاول تقنعني ان اروح وارجع بكرة وتقول مانقدر ندخلك على الدكتوره ماراح توافق ع الرتوش وكلام كثير 🙂 رحت ورجعت قلت لها مو مشكلة انا بنتظر واشوف الدكتوره ايش تقول طبعًا جلست انتظر لين الساعه ٢ ونص وجات النيرس حطت علي البنج وظليت انتظر بالبنج من ٢ ونص لين ٣ ونص لدرجة صرت احس مفعول البنج راح مو معقول هذا الانتظار كله عشان رتوش !!!! بعدها دخلت على الدكتورة الساعه ٤ ونص مستوعبين ! من الساعه ١ وانا موجوده بالعياده هذي اول مره واخر مره لي مع هذي العيادة حتى لو كانت الدكتورة مره كويسة معليش ماراح اضيع وقتي وانا انتظر عشان خدمة بسيطة.
Translated by Google
بصراحة عن تجربتي بالفيلر دكاترة مثل نيرمين وابتهال شغلهم فوق الممتاز ما شاء الله فعلاً من افضل الدكاترة بس المشكلة الكبيرة في المواعيد والتأخير، وكون التواصل جداً صعب نتصل وما احد يرد ! التأخير صار يخلينا نضطر نروح عيادات ثانية، مو لأن الشغل مو حلو بالعكس عندكم افضل دكاترة، بس التنظيم والتواصل يحتاج تعديل هي فعلا اشياء بسيطة لو تركزون عليها بتحسنون الوضع علينا كثير لأن فعلاً الشكاوي زادت وما يصير كذا ، اتمنى تشوفون حل بأقرب وقت 🙏🏻🙏🏻
Translated by Google
عيادة سيئة جداً لا ادارة ولا خدمة عملاء!! تجربتي كانت بالجبيل ركبت عدسات تجميلية عند د. عمران وكان عليها ضمان لو انكسرت أو تغير لونها أو طاحت. الان الدكتور طلع من العيادة حاولت أتواصل معهم لمدة 3 أسابيع عشان يشوفون لي دكتور بديل حتى لو ب فرع الخبر يصلح لي المشكله على الضمان قالولي ماعندنا اطباء اسنان! واسم العيادة رويال للاسنان😂 طلبو مني اتواصل بعد اجازة العيد بحكم ان الادارة مو موجوده وحاليا لي اسبوعين لا فيه رد على الرسائل ولا الاتصالات، وخدمة العملاء يفتحون الرسائل ويتجاهلونها. حتى بعد رفع شكوى ما صار أي تجاوب. للأسف وعود الضمان كانت وقت الدفع فقط، وبعدها ما فيه أي اهتمام بالعميل. نصيحة: لا تضيعون وقتكم وفلوسكم معهم. غرضهم تجاري بحت ادارة تحتاج فوقها ادارة
Translated by Google
افشل عيادة في التاريخ👎🏻👎🏻👎🏻👎🏻👎🏻👎🏻👎🏻 بعد انتظار طويل على ما يردون الكول سنتر احجز موعد ولما اوصل يقولون لي موعدك مكنسل😂😂😂 مين كنسله؟ وكيف؟ شلون؟ ومين قرر؟ وليه ما بلغتوني قبل؟ اسئلة محد بيجاوبك عليها ولا احد راح يعوضك وفلوسك بتطير
Translated by Google
بكل مشاعر الامتنان التي تعجز الكلمات عن وصفها، أتقدم بخالص الشكر والعرفان للدكتور عمار العشابي، الذي لم يكن مجرد طبيب تقويم، بل كان إنسانًا مخلصًا حمل الأمانة بكل حب، ورافق رحلة علاج ابنتي على مدى عامين بروحٍ راقية، وصبرٍ جميل، واهتمامٍ يلامس القلب لمسنا في كل زيارة حرصه الصادق، ودقته العالية، وشغفه الحقيقي بأن يرى أفضل نتيجة ممكنة كما لا يفوتني أن أقدم أسمى عبارات الشكر للمنسقة الرائعة ميلاد، التي كانت الوجه المشرق لكل زيارة، بحسن تعاملها، ولطف أسلوبها، ودقتها اللافتة في تنظيم المواعيد، ووجودها الدائم معنا كأنها فرد من العائلة، تتابع وتطمئن وتُسهل كل خطوة بكل رقي واهتمام شكرًا من القلب لكم… لأنكم لم تقدموا خدمة طبية فقط، بل صنعتم فرقًا جميلًا سيبقى أثره أسأل الله لكم دوام التقدم والنجاح بُوركت جهودكم أم لين
Translated by Google
مش معقول حتى نجمة ما تستاهلون! دكتورتي طلعت اجازة وحولوني على غيرها وجيت احجز معها موعد يناسبني وبدون رد لين في الاخير ردت علي المنسقة انه برضو هالدكتورة اجازة! مش معقول يعني كيف اتواصل معكم! انا تمسكي فيكم كان بسبب ابتهال لو ادري انها راحت من هالمكان الرديئ والله ما كان جيت !
Translated by Google
أحب أشكر أخصائي تقويم الأسنان الدكتور عمار العشابي على تعامله الراقي واحترافيته العالية طوال فترة العلاج. أمس كانت آخر جلسة لي معه، والحمد لله النتيجة ممتازة وكل شيء تم بدقة واهتمام. كما أشكر المنسقة على حسن التنظيم، المتابعة، وسرعة التجاوب. تجربة جدًا إيجابية وأنصح وبقوة بالتعامل معهم.
Translated by Google
Reviews sourced from Google. ClinicPicker does not edit or remove them.
