Thanks — your review is with our moderators and appears once it is checked.
No one has reviewed this clinic here yet. Yours would be the first.
نتيجة فيلر شفايف عند الدكتورة ولاء فريد،الصور بعد 14 يوم، وكانت الجهة اليسار أكبر بشكل واضح من اليمين وتحديد الشفايف مو متناسق، راجعت العيادة أكثر من مرة وبالنهاية قبلت الدكتورة تذوب الفيلر. رداً على تعليق الادارة عندكم، رفضت التعديل من نفس الدكتورة وطلبت منكم يكون مع دكتورة ثانية لكن رفضتوا، وعلى كذا اخترت اذابة الفيلر.
Translated by Google
اللي تبي الدلع تجي لهالعيادة فعلا قد المدح ماشاء الله تبارك الله ، طلعت من عندهم سعيدة على التعامل الراقي والجميل من موظفة الاستقبال والمكان الفخم النظيف و الهاديء .. والنتيجه الرائعة والتعامل اللطيف مع الاخصائية Florence .. تجربتي كانت مع تنظيف البشرة تستاهلون التقييم والله العظيم
Translated by Google
من ارقى وافضل العيادات الي زرتها تعامل راقي جدا من موظفة الاستقبال ومنسقة الدكتورة والممرضات والدكتورة عزة تجربتي معها كانت بوتكس يدها خفيفه يعطيها العافية ونصحتني بكذا اجراء احتاجه بعد سؤالي لها
Translated by Google
عيادة دورا كلينك عند دكتورة رهام رمضان سمعت مدح كثير عن شغلها، وجربت عندها خدمة سويت مورفيوس. الدكتورة ما شاء الله يدها خفيفة، تشرح كل خطوة بكل وضوح، وتجاوب على كل أسئلتي. العيادة نظيفة وفخمة، وكل شيء فيها مرتب، من أول ما تدخلين لين ما تخلصين تحسين إنك بيد أمينة. وبعد فترة بسيطة لاحظت الفرق بشرتي صارت أنعم ومشدودة إذا كنتي تفكرين بأي جلسة تجميلية أو علاجية، أنصحك تروحين لهم لأن فعلاً شغلهم احترافي ويستحق التجربة موجودين بحي الازدهار
Translated by Google
مع دكتوره عزه زرت العياده موعدي ١٢:٣٠ انهيت الاجرائات كامله ٢:٣٠ سويت فيلر شد واصداغ وابره فولايت نضاره المكان فيه خصوصيه ممتازه ومرتب جدا ومنظم . الدكتوره عزه تعطيك وقت تسمع منك وبعدين تعطيك رايها وتنصحك وتشوف وش يهمك ويدها خفييييفه 💓 … المنسقه رهف ايضا مهتمه تريحك نفسيا وتجاوب اي شي تسالينه🌷 ، والممرضه نور متعاونه جدا 🌹 النتيجه ع طول لاحظتها للشد ورسم الوجه مافي الم ، البنج ممتاز ، وعطتني الممرضه قطعه ثلج بعد الاجراء 🫰🏻
Translated by Google
حبيت أشارك ملاحظة عن تجربتي وصلت قبل موعد فتح العيادة بحوالي سبع دقائق، وكان فيه عدد من المراجعين واقفين برا في لاين ينتظرون والجو بارد اللي لاحظته إن الموظفين كانوا موجودين داخل وجالسين على الرسبيشن ، لكن الباب كان مقفل وما كان فيه أي تجاوب مع الناس اللي واقفين برا. انا اعرف دوام رمضان يبدأ من ٨ ماراح اطالب الموظفات انها تبدا قبل شغلها كان ممكن يتم فتح الباب وننتظر داخل في منطقة الانتظار إلى ما يبدأ وقت العمل يعني اروح عيادات احس ان مرحب فيني وفيه منطقة انتظار مريحه وحاطين حتى الضيافه مو واقفين المراجعين برا طابور . وبرضو تعامل موظفة الاستقبال مع الموضوع ما كان مريح، وكان فيه نوع من البرود في الرد، وهذا الشي خلّى بداية التجربة غير مريحة. لكن حابة أشكر الأخصائية كريستين على جلسة الهيدرافيشل، كانت لطيفة جدًا وتعاملها جيد وشغلها كان ممتاز . أتمنى يتم تحسين نقطة الاستقبال
Translated by Google
عيادة رائعة نظافة وترتيب واهتمام كنت عند د. عزه قمة في الأخلاق وكذلك مخلصة جدا في نصيحتها الله يسعدها . كذلك شكر خاص للمنسقة رهف تجاوبك على كل شيء وتريحك نفسياً الله يبارك للجميع
Translated by Google
تجربتي في دورا مع الدكتورة ريهام رمضان العيادة راقية جداً … فيها غرف للبنج وصالات استقبال رائعة الدكتورة زي العسل تجاوب على الاستفسارات وتشرح ويدها خفيفة الاجراء كان مورفيوس كنت متخوفة جداً من الالم على ماسمعت انه قوي ابدا ابدا كان خفيف وكانت تقول لو تالمتي بلغيني نعم النتيجه لسا ماظهرت لانه تو سويته يبي له وقت وان شا الله تكون مرضية المرضة اللي مع الدكتورة ام نظارة مااعرف اسمها بس تجنننننن بشووووشة بشكل
Translated by Google
Reviews sourced from Google. ClinicPicker does not edit or remove them.
